Шавкат Раҳмонов аскарлар билан учрашди

UFCда иштирок этаётган қозоғистонлик таниқли файтер Шавкат Раҳмонов мамлакат ҳарбий қисми аскарлари билан учрашди, деб хабар беради Каzinform.

Бу ҳақда ММА устаси Instagramдаги саҳифасида ёзган.

"Қозоқ аскарлари билан учрашдик!" Кўп саволларга жавоб бердик, қозоқ замини хавфсиз эканлигига тўлиқ амин бўлиб қайтдик”, - деб ёзди ва ижтимоий саҳифасига ҳарбийлар билан тушган суратини юклади.

Эслатиб ўтамиз, Шавкат Раҳмонов сўнгги жангини ўтган йилнинг декабрь ойида америкалик Стивен Томпсонга қарши ўтказган ва иккинчи раундда рақибини нокаут билан мағлуб этган эди.

Шу тариқа, Шавкат Раҳмонов профессионал фаолиятидаги ўн саккизинчи ғалабасини қўлга киритган бўлса, Стивен Томпсон еттинчи бор мағлуб бўлди.

Ушбу ғалабадан сўнг қозоғистонлик жангчи UFCнинг ярим ўрта вазн тоифасидаги рейтингида учинчи ўринга кўтарилди. Ундан олдинда Билол Муҳаммад (2-ўрин), Камару Усмон (1-ўрин) ва чемпион Леон Эдвардс бор. Колби Ковингтон бешинчи ўринга тушиб кетди.