Шамил Досбол - юнон-рум кураши бўйича Осиё чемпиони

ASTANА. Кazinform - Иордания пойтахти Амман шаҳрида кураш бўйича 17 ва 23 ёшгача бўлган спортчилар ўртасида ўтказилган Осиё чемпионатида қозоғистонлик курашчи Шамил Досбол шоҳсупага кўтарилди.

Миллий олимпия қўмитаси таъкидлашича, у юнон-рум кураши бўйича 60 кг вазнда юрт шарафини ҳимоя қилиб, икки карра Осиё чемпиони бўлди.

Шамил Досбол 17 ёшгача бўлган спортчилар билан жанг ўтказиб, хитойлик ва ҳиндистонлик полвонларни мағлубиятга учратди ва финалда Ўзбекистон вакили билан дуранг натижа қайд этди. Бироқ сўнгги самарали усулни қўллагани учун ғалаба қозоғистонлик спортчига берилди.

Бундан ташқари, Адилет Тойши (92 кг) кумуш, Нурдаулет Қумарули (45 кг) ва Едиге Толеутаев (51 кг) бронза медални қўлга киритди.

Алмат Кебиспаев мураббийлик қилаётган юнон-рум кураши бўйича U-17 терма жамоаси умумжамоа ҳисобида 3-ўринни эгаллади.