Санатали Тўлтаев WВC Гран-при турнирида илк ғалабасини қўлга киритди

ASTANА.Кazinform - Ўрта вазн тоифасидаги қозоғистонлик боксчи Санатали Тўлтаев (3-0,2КО) профессионал фаолиятидаги учинчи жангини ўтказди.

У Саудия Арабистони пойтахти Ар-Риёд шаҳрида ўтказилаётган Бутунжаҳон бокс кенгаши (WВC) «The Riyadh Season WBC Boxing Grand Prix» турнирида рингга кўтарилиб, венесуэлалик боксчи Герман Брочерога (10-1,10КО) қарши жанг қилди.

Натижада қозоғистонлик боксчи 6-раунднинг сўнгги дақиқасида рақибини техник нокаут билан мағлуб этди. Шу тариқа Санатали Тўлтаев нафақат профессионал боксдаги учинчи ғалабасини қўлга киритди, балки WВC Гран-при турнирининг иккинчи раундига ҳам йўл олди.

Яна бир қозоғистонлик боксчи Нуржан Серикбев (5:1, 5КО) италиялик Флоренс Приолога (10:0, 5КО) ҳакамлар қарори билан мағлуб бўлди.

Эслатиб ўтамиз, Саудия Арабистони пойтахти Ар-Риёд шаҳрида 17 апрель куни «The Riyadh Season WBC Boxing Grand Prix» турнири бошланиб, 20 декабрда якунланади. Биринчи босқич 17-20 апрель кунлари бўлиб ўтиши режалаштирилган.

Аввал хабар берганимиздек, Гран-при 4 та вазн тоифасида бўлиб ўтади: енгил вазн тоифаси, ўрта вазн тоифасидаги ўсмирлар, ўрта ва оғир вазн тоифалари. Унда дунёнинг 41 давлатидан 128 нафар боксчи иштирок этиши режалаштирилган.

Эслатиб ўтамиз, иштирокчилар орасида 5 нафар қозоғистонлик спортчи ҳам бор.