Россия ва Украина ўртасидаги музокаралар 16 май куни Истанбулда бўлиб ўтади

ASTANА. Кazinform — Россия президенти Владимир Путин аввалроқ Москва Киевга 2022 йилда тўхтаб қолган тўғридан-тўғри музокараларни ҳеч қандай шартларсиз давом эттириш учун 15 май куни Истанбулда учрашув ўтказишни таклиф қилганини айтган эди.

Бу ҳақда ТАСС агентлигига музокаралар ташкилотига яқин манба хабар берди.

- Ҳа, 16 май, - деди манба.

Аввалроқ Россия делегацияси раҳбари, Россия президенти ёрдамчиси Владимир Мединский президент Владимир Путин барча махсус ҳарбий операция қўмондонлари билан учрашувдан сўнг Истанбулдаги музокаралар бўйича аниқ кўрсатмалар бергани ва музокаралар ўтказиш позицияларини белгилаб берганини маълум қилганди.

Кечқурун Путин Россия делегацияси ва музокараларда иштирок этувчи экспертлар гуруҳини тасдиқлади.

Шунингдек, давлат раҳбарлари музокараларда иштирок этмаслиги маълум бўлди. Асосий рол идоралар раҳбарларининг ўринбосарларига юкланган.

Эслатиб ўтамиз, аввалроқ Украина Президенти Туркияга боргани ҳақида хабар берган эдик.