Роналду "Ал-Наср" билан шартномасини узайтирди

ASTANA. Kazinform – “Олтин тўп”нинг беш карра соҳиби, машҳур португалиялик футболчи Криштиану Роналду яна 2 йил “Ал-Наср”да ўйнайди. Бу ҳақда клуб расмий сайти хабар берди.

Championat.com спорт портали хабарига кўра, томонлар 2027 йилгача амал қиладиган янги шартномага имзо чекишди.

Қизиғи, “Ал-Наср” ўтган мавсумда бирорта соврин юта олмаган. Саудия Арабистони чемпионатида жамоа 70 очко жамғариб, турнир жадвалида учинчи ўринни эгаллади.

Криштиану Роналду Саудия клубида 2023 йилнинг январидан буён тўп сурмоқда. Ўтган мавсумда португалиялик ҳужумчи клуб учун барча мусобақаларда 35та гол урди ва 4та голли узатмани амалга оширди.

25 июнь куни ушбу клубга устозлик қилган италиялик мутахассис Стефано Пиоли бош мураббийлик лавозимини тарк этди. Айни дамда “Ан-Наср” раҳбарияти янги мураббий излашга киришган.