Рим Папаси Франциск бутун дунё аҳли хотирасида тинчлик тарафдори сифатида қолади — Тоқаев
ASTANА. Кazinform – Давлат раҳбари Қасим-Жомарт Тоқаев Рим Папаси Франциск вафоти муносабати билан ҳамдардлик билдирди.
Қасим-Жомарт Тоқаев Рим Папаси Францискнинг вафоти ҳақидаги хабардан чуқур қайғуда эканлигини билдирди. Президент таъкидлаганидек, Понтифик адолат, меҳр-оқибат ва инсонпарварлик ғояларини тарғиб этишга беқиёс ҳисса қўшган юксак маънавият арбоби эди.
– Мен Рим Папаси билан учрашувларимни ҳамда унинг 2022 йилда Қозоғистонга қилган тарихий Апостол ташрифини мамнуният билан эслайман, бу диний бағрикенглик, тинчлик ва ўзаро ҳамжиҳатлик рамзига айланган. Рим Папаси Франциск номи жаҳон ҳамжамиятида тинчликнинг буюк тарафдори, динлараро мулоқот ва тотувлик ҳимоячиси сифатида абадий хотирада қолади, — деб ёзди Президент Х ижтимоий тармоқдаги саҳифасида.
Эслатиб ўтамиз, аввалроқ Рим Папаси Франциск 89 ёшида вафот этгани ҳақида хабар берган эдик.