Президент юнон-рум кураши бўйича жаҳон чемпиони Айдос Султанғалини табриклади

ASTANА. Кazinform - Давлат раҳбари юнон-рум кураши бўйича жаҳон чемпиони Айдос Султанғалини муҳим ғалабаси билан табриклади. Бу ҳақда Ақорда матбуот хизмати хабар берди.

– Айдос Султанғалини жаҳон чемпионатидаги ёрқин ғалабаси билан табриклайман. У мазкур асрда юнон-рум кураши бўйича биринчи чемпиондир. Полвонларимизга ғалабали йўлларини давом эттиришларини тилайман, – деб ёзди Президент Instagramдаги саҳифасида.

Эслатиб ўтамиз, Айдос Султанғали юнон-рум кураши бўйича 26 йилдан сўнг жаҳон чемпионатида олтин медални қўлга киритди.