Президент Саудия Арабистони Қишлоқ хўжалиги вазири Абдулраҳмон Ал-Фадлийни қабул қилди

ASTANА. Кazinform – Президент Саудия Арабистони Подшоҳлиги Қишлоқ, атроф-муҳитни муҳофаза қилиш ва сув хўжалиги вазири Абдулраҳмон Ал-Фадлийга эҳтиром кўрсатди ва унинг ташрифи икки мамлакат ўртасидаги кўп томонлама ҳамкорликни янада ривожлантиришга янги суръат бағишлашини таъкидлади, деб хабар беради Ақорда матбуот хизмати.

Қасим-Жомарт Тоқаев Саудия Арабистони Валиаҳди билан музокаралар чоғида эришилган келишувларни амалга ошириш муҳимлигини таъкидлади.

«Жиддага ташрифим давомида Валиаҳд Муҳаммад бин Салмон бин Абдулазиз Ол Сауд билан учрашдим. Учрашувда икки давлат ўртасидаги яқин ҳамкорлик ва муносабатларни янада мустаҳкамлашга келишиб олдик. Ўзаро келишувларимиз аллақачон ҳаётга татбиқ этилмоқда ва изчил амалга оширилмоқда, – деди Президент.

Ўз навбатида Абдулраҳмон Ал-Фадлий кўрсатган ҳурмати ва меҳмондўстлиги учун Давлат раҳбарига миннатдорлик билдирди. Шунингдек, у Валиаҳднинг Қозоғистон билан ўзаро манфаатли ҳамкорликни кенгайтириш ниятида эканлигини тасдиқлади.

Вазир ўз нутқида озиқ-овқат хавфсизлиги масалаларига алоҳида эътибор қаратди.

«Маълумки, озиқ-овқат хавфсизлиги бутун дунё учун долзарб муаммо ҳисобланади. Бу йўналишда Қозоғистон асосий рол ўйнашига ишонамиз», - деди Абдулраҳмон ал-Фадлий.

Суҳбат чоғида савдо-иқтисодий ҳамкорлик масалалари ҳамда қишлоқ хўжалиги ва туризм соҳаларидаги ўзаро ҳамкорлик истиқболлари муҳокама қилинди.