Президент республика бюджети тўғрисидаги қонунни имзолади
ASTANА. Кazinform - Давлат раҳбари “2025-2027 йилларга мўлжалланган республика бюджети тўғрисида”ги Қозоғистон Республикаси Қонунини имзолади, деб хабар беради Ақорда.
Аввал хабар қилинганидек, Сенатнинг ялпи мажлисида “2025-2027 йилларга мўлжалланган республика бюджети тўғрисида”ги қонун кўриб чиқилди.
2025 йил учун даромадлар жорий йилга нисбатан 1,2 триллион тенгега ошиб, 21,7 триллион тенге даражасида прогноз қилинмоқда. 2025 йилда бюджет тақчиллиги ялпи ички маҳсулотнинг 2,7 фоизи даражасида ҳисобга олинади ва 2027 йилга келиб бу кўрсаткич 1,9 фоизгача камаяди.
2025 йилги бюджет харажатлари даромадлар ва тақчилликни ҳисобга олган ҳолда 25,8 триллион тенгени ташкил этади, яъни жорий йилга нисбатан 1,7 триллион тенгега ошади.
Парламент Сенатида бўлиб ўтган ҳуқуқий муҳокамада бир қатор таклифлар киритилди. Улар аҳолини тоза сув билан таъминлаш, газлаштириш тизими, иссиқлик ва электр энергияси, транспорт, муҳандислик-коммуникация инфратузилмаси, «Ауыл - Ел бесігі» лойиҳасини амалга ошириш учун қўшимча харажатларни таъминламоқда.
2025 йилда ижтимоий соҳа харажатлари жорий йилга нисбатан 871 миллиард тенгега ошади ва 9,8 триллион тенге миқдорида режалаштирилган. Унинг бюджет харажатларидаги улуши 38 фоизни ташкил этади. Биринчи устувор вазифа - ижтимоий таъминот ва фуқароларга ижтимоий ёрдами кўрсатиш. 2025 йил учун ижтимоий тўловлар бўйича харажатлар индексация ва тўловларни олувчилар сонининг кўпайиши ҳисобга олинган ҳолда 6 триллион тенге миқдорида назарда тутилган.
Иккинчи устувор вазифа – таълимни ривожлантириш. 2025 йилда бу соҳадаги харажатлар 1 триллион тенгега етди.
2025-2027 йилларга мўлжалланган соғлиқни сақлаш тизими харажатлари 7,6 триллион тенгени ташкил этади, шу жумладан, жорий йилга нисбатан 188 миллиард тенгега кўпаяди, 2025 йилга эса 2,5 триллион тенгега кўпайтириш режалаштирилган. Умуман олганда, 2025 йилда бепул тиббий ёрдамнинг кафолатланган ҳажми учун 1,6 триллион тенге миқдорида харажатлар режалаштирилган. Ижтимоий тиббий суғурта жамғармасига 675 миллиард тенге, жумладан, давлат бадалларига 668 миллиард тенге ажратилган.
2025 йилда эса туризм ва спортни ривожлантириш учун республика бюджети харажатлари 141 миллиард тенге, маданият ва ахборотлаштиришни ривожлантириш учун эса 165 миллиард тенге миқдорида режалаштирилган.
Кейин Мажилис Сенат томонидан уч йиллик бюджетга киритилган тузатишларни маъқуллади.