Президент Bayer AG халқаро концерни бошқаруви аъзоси билан учрашди

Bayer AG бошқаруви аъзоси, фармацевтика бўлими бошлиғи Штефан Ольрих билан учрашувда соғлиқни сақлаш, барқарор қишлоқ хўжалиги ва илмий тадқиқотлар соҳаларидаги ҳамкорлик истиқболлари муҳокама қилинди, деб хабар беради Кazinform Ақорда матбуот хизматига таяниб.

Давлат раҳбари Қозоғистоннинг Bayer компаниясининг замонавий тиббий маҳсулотларидан фойдаланиш, шунингдек, лабораториялар очиш ва қўшма илмий лойиҳаларни амалга оширишдан манфаатдор эканлигига эътибор қаратди.

Bayer AG соғлиқни сақлаш ва қишлоқ хўжалиги соҳалари учун тиббий ва биологик ечимларни ишлаб чиқишга ихтисослашган халқаро концерндир.

Қасим-Жомарт Тоқаев Қозоғистон биотехнологик кластерни фаол ривожлантираётганини таъкидлади. Шунингдек, у қайд этилган йўналишлар бўйича ишланмаларни тайёрлаш ва ишлаб чиқаришга жорий этиш мақсадида QazBioPharm миллий биофармацевтика холдинги ташкил этилганини айтди.

Шу билан бирга, йиғилишда Қозоғистонга янги дори воситаларини олиб кириш тартиб-таомилларини энгиллаштириш бўйича аниқ чора-тадбирлар кўриш масаласи муҳокама қилинди.

Давлат раҳбари мамлакат қишлоқ хўжалигида қўлланиладиган ўғитлар, пестицидлар ва бошқа биокимёвий моддалар ишлаб чиқарувчи корхона очиш алоҳида аҳамият касб этишига эътибор қаратди. Президент таъкидлаганидек, селекция ва ген инженерияси йўналишларида илмий ва ишбилармонлик алоқаларини ривожлантириш учун катта имкониятлар мавжуд.