«Пари Сен-Жермен» Чемпионлар лигаси финалига йўл олди

ASTANА. Кazinform — Франциянинг “Пари Сен-Жермен” клуби UEFА Чемпионлар лигаси финалига йўлланма олди.

Ярим финалда Франция клуби Англиянинг “Арсенал” клубига қарши майдонга тушди.

Мусобақанинг ушбу босқичидаги икки жамоа ўртасидаги илк учрашувда парижликлар меҳмонда 1:0 ҳисобида ғалаба қозонган эди. Ғалаба қўлдан чиқаётганини сезган Англия клуби жавоб учрашувининг биринчи дақиқасиданоқ гол уриш имкониятини қидирди. Бироқ ўз дарвозасидан иккита гол ўтказиб юборди. Бу гол 27-дақиқада Франция клубидан Фабиан Руис томонидан киритилган бўлса, 72-дақиқада Ашраф Ҳакимий гол уришга муваффақ бўлди. “Арсенал” футболчиси Букайо Сака 76-дақиқада битта гол билан жавоб қайтарди.

Шу тариқа парижликлар рақиби устидан 2:1 ҳисобида ғалаба қозонди ва мусобақани давом эттириш имкониятига эга бўлди.

Энди улар 31 май куни Германиянинг Мюнхен шаҳридаги «Мюнхен арена» стадионида финалда Италиянинг “Интер” клубига қарши майдонга тушади.

Эслатиб ўтамиз, аввалроқ "Интер" Чемпионлар лигаси финалига йўл олгани ҳақида хабар берган эдик.