Озарбайжон Хитой билан мудофаа бўйича мулоқотни бошлади

ASTANА. Кazinform – Ҳозирда Боку ушбу маршрутни транспорт географияси ва қўшма ишлаб чиқариш нуқтаи назаридан қизиқиш уйғотадиган истиқболли йўналиш деб ҳисоблайди.

— Биз мудофаа саноати бўйича мулоқотни бошладик ва бу истиқболли жараён бўлишига ишонамиз, чунки Озарбайжон Қуролли Кучларини модернизация қилмоқда. Албатта, бизни юк ташиш ва қўшма ишлаб чиқариш географияси қизиқтиради, – деди Илҳом Алиев Бокуда “Янги дунё тартиби сари” халқаро форуми иштирокчилари билан учрашувда.

У ўз нутқида Боку ва Пекин 2024 йилда стратегик шериклик тўғрисидаги декларацияни имзолаганини, бу икки томонлама муносабатлардаги жуда муҳим қадам эканини таъкидлади. Чунки Хитойдек гигант давлат билан ҳамкорлик қилиш биз учун жуда муҳим, деди у.

И.Алиев, шунингдек, Хитой компанияларини турли йўналишлар, жумладан, яшил энергия бўйича стратегик шериклар сифатида таклиф этди.

– Уларнинг компанияси экологик тоза жамоат транспорти ҳамкори сифатида танланди. Биринчи ишлаб чиқариш жорий йилда режалаштирилган. Бундан ташқари, Хитой компаниялари Озарбайжонда бошқа мамлакатлар компаниялари иштирокида ўрнатилаётган қуёш панелларини етказиб берувчилар ҳамдир.

Биз Хитойнинг айрим компаниялари билан яшил энергияга тўғридан-тўғри сармоя киритиш бўйича ҳам музокаралар олиб бормоқдамиз, — деди давлат раҳбари.

И.Алиев, шунингдек, Озарбайжон Хитой билан қўшма автомобиль ишлаб чиқариш, Ўрта йўлакни ривожлантириш, юк ташиш каби соҳаларда ҳамкорлик қилишдан манфаатдор эканини таъкидлади.

Озарбайжон раҳбари CGTN телеканалига берган интервьюсида Ўрта йўлак бўйлаб юк ташиш яқин 5-6 йил ичида сезиларли даражада ошишига умид қилишини таъкидлади.

Озарбайжон Трамп жамоасига USAIDнинг ноқонуний фаолиятига оид фактларни тақдим этиши ҳақида аввал хабар берган эдик.