Нидерландия Қироллиги Бош вазири қозоғистонлик талабалар билан учрашди
ASTANA. Kazinform – Нидерландия Қироллиги Бош вазири Марк Рютте Қозоғистонга амалий ташрифи доирасида Maqsut Narikbayev University талабалари билан учрашиб, уларнинг саволларига жавоб берди.
Талабалардан бири Бош вазирдан Қозоғистон ва Нидерландия ўртасидаги ҳамкорликнинг истиқболли йўналишлари ҳақида сўради.
“Агар салоҳиятли ҳамкорлик ҳақида гапирадиган бўлсак, албатта, иқтисодиётимизни диверсификация қилиш, энергиянинг анъанавий манбаларидан ноанъанавий манбаларга ўтишга алоҳида эътибор қаратилмоқда. Гап Қозоғистонда қурилишни бошлаётган Philips ва Heineken компаниялари ҳақида кетмоқда”, – деб жавоб берди Марк Рютте.
Унинг сўзларига кўра, бугунги кунда икки давлат ўртасидаги муҳокаманинг муҳим жиҳати сув ресурсларини бошқариш масаласидир.
“Қозоғистонга ўз томондан ёрдам бериш биз учун катта шараф. Углеводородлар ва яшил технологиялар йўналишида биз Марокаш ва бошқа давлатлар, жумладан, Қозоғистон билан ҳамкорлик қилмоқдамиз”, – деди Нидерландия Бош вазири.