Нетаньяху май ойида Озарбайжонга ташриф буюради
ASTANA. Kazinform – Исроил бош вазири Биньямин Нетаньяху 2025 йил май ойи бошида Озарбайжонга расмий ташриф билан боради. Бу ҳақда Ynetnews хабар берди.
Нетаньяху Озарбайжон президенти Илҳом Алиев билан музокаралар олиб боради. Улар Боку ва Тель-Авив ўртасидаги муносабатларни мустаҳкамлаш ва минтақавий хавфсизлик масалаларини муҳокама қилиши режалаштирилган.
Ташриф Эрон ва АҚШ ўртасида ядровий музокаралар тикланишига тўғри келади. Бундан ташқари, Туркия қўшинларининг Сурияда мавжудлиги бўйича музокаралар ҳам кун тартибидан ўрин олган.
“Мақсад – Исроил ва Озарбайжон ўртасидаги икки томонлама алоқаларни кенгайтириш, Бокунинг Марказий Осиёдаги таъсирини ошириш ва Озарбайжоннинг «Авраам келишуви»га қўшилиш имкониятларини муҳокама қилиш”, – дейилади хабарда.
Алиев яқинда Туркия президенти Режеп Таййип Эрдоған ва Суриянинг янги президенти Муҳаммад аш-Шаара билан музокаралар ўтказди. Экспертларнинг фикрича, бу Озарбайжоннинг минтақадаги ролини кучайтиради. АҚШ ва Исроил Алиевни минтақавий можароларни ҳал қилишда муҳим воситачи сифатида ҳам кўради.
Озарбайжон, шунингдек, Трамп жамоасига USAIDнинг ноқонуний фаолиятига оид фактларни тақдим этиш ниятида.