Мьянмадаги зилзила қурбонлари сони 700 нафарга яқинлашди

ASTANА. Кazinform — Мьянмадаги кучли зилзила оқибатида 694 киши ҳалок бўлди, 1670 киши жароҳатланди, деб хабар беради BBC мамлакат ҳарбий маъмуриятига таяниб.

Кўп сонли зилзилаларга қарамай, тун бўйи қутқарув ишлари давом этди. АҚШ Геология хизмати аввалроқ Мьянмада 28 март, жума куни Рихтер шкаласи бўйича 7,7 ва 6,4 балли зилзилалар содир бўлганини маълум қилган эди.

Зилзилалар Хитой ва Таиландда ҳам сезилган, Бангкокда қурилаётган осмонўпар бино қулаган. Мьянма расмийлари халқаро ҳамжамиятни зилзила оқибатларини бартараф этишда ёрдам беришга чақирди. Хитой ва Россия Мьянмага аллақачон қутқарувчилар ва шифокорларни юборган.

Эслатиб ўтамиз, кеча Мьянмада 7,9 магнитудали зилзила қайд этилган ва Президент Қасим-Жомарт Тоқаев Мьянма Бош вазири Мин Аун Хлайнга ҳамдардлик телеграммаси йўллаган эди.