Мьянмада 7,9 магнитудали зилзила юз берди

ASTANA. Kazinform - Хитой сейсмик станциялар тармоғининг расмий маълумотларига кўра, 28 март куни Пекин вақти билан соат 14:20да (Астана вақти билан 11:20) Мьянма ҳудудида (21,85° ш.к, 95,95° ш.у.) 7,9 магнитудали зилзила содир бўлган. Зилзилаларнинг чуқурлиги 30 км.

Синьхуа агентлигининг Мьянмадаги мухбирининг хабар беришича, зилзила мамлакатнинг энг йирик шаҳри Янгонда кучли сезилган. Шунингдек, ер силкинишлари Таиланд пойтахти Бангкок ва Лаос пойтахти Вьентьянда ҳам сезилган.

Ҳозирча қурбонлар ва моддий йўқотишлар ҳақида расмий маълумот йўқ.

Chinanews агентлиги хабарига кўра, кучли зилзилани Хитойнинг Юньнань провинциясидаги Баошань, Сишуанбаньна-Дай автоном вилояти, Пуэр ва Куньмин шаҳарлари аҳолиси ҳам ҳис қилган.

Эслатиб ўтамиз, Қозоғистон ва Қирғизистон чегарасида 5 магнитудали зилзила содир бўлди. Ер силкинишлари 28 мартда Астана вақти билан 03:42 да қайд этилди.
Шунингдек, Жамбил вилоятида фавқулодда вазиятлар бўйича штаб ишламоқда.