Молдова депутатлари парламент сайловларини сентябрга белгилашлари мумкин

ASTANA. Kazinform — 17 апрель куни Молдова депутатлари 28 сентябрда парламент сайловларини ўтказиш тўғрисида қарор қабул қилиши мумкин, деб ёзади ТАСС.

Бу ҳақда олий қонун чиқарувчи орган вице-спикери Влад Батринча маълум қилди.

“Пайшанба куни депутатлар навбатдаги парламент сайловлари санасини 28 сентябрга белгилашлари кутилмоқда», - деди у.

Унга кўра, мазкур масала ҳуқуқий комиссияда муҳокама қилинганидан кейин кун тартибига киритилган.

Молдова - парламентли республика бўлиб, у ерда ҳақиқий ҳокимият парламентдаги кўпчилик томонидан тайинланадиган ҳукумат қўлида.

Парламент сайловлари ҳар тўрт йилда бир марта ўтказилади, охиргиси 2021 йил 11 июлда бўлиб ўтган. Парламентда президент Майя Сандуни қўллаб-қувватловчи «Ҳаракат ва бирдамлик партияси» катта кўпчилик овозни қўлга киритди.

2022 йилда мамлакатда Санду ҳамда «Ҳаракат ва бирдамлик партияси» томонидан тузилган ҳукумат истеъфоси талаб этилиб, оммавий норозилик намойишлари бошланди. Намойишчилар нархларнинг кескин кўтарилиши ва қашшоқликнинг кучайишида расмийларни айблади. Бунга жавобан Санду мухолифатни давлат тўнтаришига уринишда айблади. Мамлакатда мухолифат тарафдори бўлган ўнлаб оммавий ахборот воситалари ёпилган, йирик партиялар етакчиларига нисбатан жиноий ишлар қўзғатилган.

Экспертларга кўра, Молдовада ҳукмрон партия сўнгги ойларда сайловчилар томонидан қўллаб-қувватланишни йўқотяпти. Март ойида Маркетинг ва ижтимоий тадқиқотлар институти томонидан ўтказилган сўров натижаларига кўра, «Ҳаракат ва бирдамлик партияси» бўлажак сайловларда парламент устидан назоратни йўқотган.