Microsoft корпорацияси 9000 нафар ходимини ишдан бўшатади

ASTANA. Kazinform – Microsoft корпорацияси жорий йилда ишдан бўшатишнинг иккинчи тўлқинида 9000 нафар ходимини ишдан бўшатади. Бу ҳақда Bloomberg хабар берди, деб ёзади Report.

Компания вакилининг сўзларига кўра, бундай ўзгаришлар "компаниянинг бозордаги ўрнини оптималлаштириш учун зарур".

Эслатиб ўтамиз, бу йил ишдан бўшатишнинг биринчи тўлқини 2025 йилнинг май ойида бўлиб ўтган, ўшанда камида 6000 нафар ходим ишдан бўшатилган эди. Июнь ойида яна 300 киши ишдан бўшатилди.

Associated Press маълумотларига кўра, 2024 йилда Microsoft 228 мингга яқин ходимга эга эди. Уларнинг қарийб 55 фоизи АҚШда ишлаган.