Microsoft компанияси СИ ёрдамида 500 миллион доллардан ортиқ маблағ тежади

ASTANA. Kazinform – Технологик гигант Microsoft ўтган йили Call-марказларида сунъий интеллектдан (СИ) фойдаланиш орқали 500 миллион доллардан зиёд маблағни тежаган. Бу ҳақда Report агентлиги Bloomberg News нашрига таяниб хабар бермоқда.

Ўтган ҳафтада компания харажатларни назорат қилиш доирасида ва сунъий интеллект инфратузилмасига катта инвестициялар фонда ишчиларнинг тахминан 4 фоизини қисқартиришни режалаштираётганини эълон қилди. Май ойида Microsoft 6 мингга яқин ходимни ишдан бўшатганини маълум қилган эди.

Microsoftнинг тижорат директори Жадсон Альтхофф шу ҳафтаги тақдимотда СИ воситалари сотув, мижозларга хизмат кўрсатиш ва дастурий таъминот ишлаб чиқиш соҳаларида иш унумдорлигини ошираётганини айтди. Шунингдек, компания кичик мижозлар билан алоқада ҳам сунъий интеллектдан фойдалана бошлаган.

«Кичик мижозлар билан янги ташаббус компанияга ўн миллионлаб доллар даромад келтирмоқда», – деди агентлик манбаси Альтхоффнинг изоҳларини келтирар экан.

Шунингдек, СИ янги маҳсулотлар учун коднинг 35 фоизини ўзи яратгани қайд этилган – бу эса маҳсулотларни бозорга тезроқ чиқаришга ёрдам берган.

Бунгача Microsoft корпорацияси жорий йилда ишдан бўшатишнинг иккинчи тўлқинида 9000 нафар ходимини ишдан бўшатаиши ҳақида ёзган эдик.