Марк Цукерберг ижтимоий тармоқлар қурбони бўлган ўсмирларнинг ота-оналаридан узр сўради

ASTANA. Kazinform - АҚШ Сенатида Meta корпорацияси раҳбари Марк Цукерберг ижтимоий тармоқлар таъсиридан жабрланган ота-оналардан кечирим сўрашга мажбур бўлди, деб ёзади Variety портали.

АҚШ Сенатида бўлиб ўтган эшитувлар чоғида болаларнинг интернетда жинсий мақсадларда фойдаланишига онлайн платформаларнинг таъсири муҳокама қилинди.

Сенатор Жош Хоули Цукербергга қараб: “Фарзандлари ижтимоий тармоқлар қурбони бўлган ота-оналардан кечирим сўрадингизми?” деб сўради.

Цукерберг ота-оналарга мурожаат қилиб, кечирим сўради ва Meta болаларга зарар етказмаслик учун қўлидан келганини қилишини айтди.

Сенатор Хоули Цукербергни ижтимоий тармоқлардаги зарарли контент ва шахсиятга тегиш ҳаракатларини йўқ қилишга чақирди.