Алмати вилояти ҳокими Корея Республикасининг Алматидаги Бош консули Пак Нэчхон билан учрашди

ASTANA. Kazinform — Томонлар Алмати вилоятининг Корея Республикаси билан ҳамкорлигини мустаҳкамлаш ва янада кенгайтириш масалаларини муҳокама қилдилар. Хусусан, бизнес лойиҳаларини амалга ошириш, янги иш ўринлари яратиш истиқболлари муҳокама этилди.

“Мамлакатларимиз ўртасида барча йўналишларда дўстона ва ҳамкорлик алоқалари ўрнатилган. Савдо-иқтисодий ҳамкорлик анъанавий тарзда юқори даражада. Корея Республикаси Қозоғистон иқтисодиётидаги етакчи хорижий инвесторлардан биридир.

Йирик сармоявий лойиҳа сифатида умумий сармояси 80 миллиард тенгедан ортиқ бўлган, 100 дан ортиқ янги иш ўринлари яратувчи, вилоят ҳудудида тамаки маҳсулотлари ишлаб чиқарувчи завод қуришни йўналтириш мумкин”, – деди вилоят раҳбари Марат Султанғазиев.

Ўз навбатида, Бош консул Пак Нэчхон бизнес шериклик муносабатларини ривожлантириш муваффақиятларини қайд этди ва икки томонлама ҳамкорликнинг бошқа имкониятлари ҳақида гапирди.

Эслатиб ўтамиз, ўтган йили Қозоғистон ва Корея Республикаси ўртасидаги товар айирбошлаш ҳажми 6 миллиард АҚШ долларини ташкил этган. Алмати вилоятининг улуши 112 миллион АҚШ долларини, жумладан экспорт – 70 миллион, импорт – 42 миллион долларни ташкил этди. Бугунги кунда Алмати вилоятида корея капитали иштирокидаги 15 корхона ишлайди.