Мальта июнь ойида Фаластин мустақиллигини тан олади

ASTANA. Kazinform — Мальта бош вазири Роберт Абела ўз мамлакати тез орада Фаластин мустақиллигини тан олишини маълум қилди, деб ёзмоқда Times of Malta.

Мальтада Фаластин элчиси бор, ушбу мамлакат 2024 йилда БМТ Бош ассамблеясининг Фаластин давлатининг ташкилотга тўлақонли аъзолик ҳуқуқини тан олувчи резолюциясини қўллаб-қувватлаган, бироқ ҳозирча Фаластин давлатини расмий равишда тан олганини эълон қилмаган.

Абеланинг сўзларига кўра, тегишли баёнот 20 июн куни БМТ кўмагида Саудия Арабистони ва Франция томонидан ташкил этиладиган халқаро конференцияда эълон қилинади. Мальта вакилларининг таъкидлашича, конференцияда ўз мамлакати Фаластинни тан оладиган ягона давлат бўлмайди.

Axiosнинг ёзишича, июнь ойида Франция ҳам Фаластин мустақиллигини тан олмоқчи. Франция президенти Эммануэль Макрон 2025 йил апрель ойида France 5 га берган интевюсида «яқин ойларда» шу каби баёнот билан чиқиш режаси борлигини айтганди. ХАМАС гуруҳи ўшанда Франциянинг Фаластинни тан олиш қарори «муҳим қадамга» айланишини билдирган эди, Исроил ТИВ раҳбари Гидеон Саар эса «сохта давлат»нинг тан олинишини қоралаган ва уни «терроризм учун мукофот» деб атаган.

Маълумот учун, 2024 йилда Норвегия, Ирландия, Испания, Словения ва Арманистон Фаластин мустақиллигини тан олганини эълон қилган эди.

Эслатиб ўтамиз, аввалроқ Март ойидан бери 500 минг фаластинлик қочқинга айлангани ҳақида хабар берган эдик.