Малайзия ва Таиланд ташқи ишлар вазирлари Мьянмага ташриф буюришади

ASTANA. Kazinform — Муҳамад Ҳасан ва Марит Сангиампҳонг гуманитар ёрдамни мувофиқлаштириш ва қутқарув операцияларида ёрдам бериш учун ташриф буюради. Бу ҳақда ТАСС хабар беради.

Малайзия ташқи ишлар вазири Муҳаммад Ҳасан ва Таиланд ташқи ишлар вазири Марит Сангиампҳонг 5 апрель куни зилзиладан жабр кўрган Мьянмага гуманитар ташриф билан боради. Бу ҳақда Жануби-Шарқий Осиё давлатлари ассоциацияси (АСЕАН) ташқи ишлар вазирлари томонидан қабул қилинган баёнотда айтилади.

Ҳужжатга кўра, ташқи ишлар вазирлари Мьянмага инсонпарварлик ёрдамини мувофиқлаштириш, қутқарув ишларига кўмаклашиш, АСЕАНнинг табиий офатлар бўйича гуманитар мувофиқлаштириш маркази билан ҳамкорликда тезкор ва самарали инсонпарварлик ёрдамини таъминлаш мақсадида ташриф буюришади.

Bernamaнинг Малайзия Ташқи ишлар вазирлигига таяниб хабар беришича, ташриф Куала-Лумпурнинг Мьянма халқи билан бирдамлигини намойиш этади ва инсонпарварлик ёрдамининг эҳтиёжларга қараб самарали етказилишига ҳисса қўшади.

30 март куни АСЕАНга раислик қилаётган Малайзия Мьянма ва Таиланддаги зилзила оқибатлари туфайли ташкилотга аъзо давлатлар ташқи ишлар вазирларининг фавқулодда видеоконференция форматида йиғилишини чақирди. Иштирокчилар жабрланган мамлакатларга гуманитар ёрдам етказиш мақсадида яқиндан ҳамкорлик қилиш ниятида эканликларини билдирдилар.

Аввалроқ Малайзия Ташқи ишлар вазирлиги Мьянмага гуманитар ёрдам етказиш ва зилзила оқибатларини бартараф этиш учун мамлакат 50 кишидан иборат махсус гуруҳ жўнатишини маълум қилганди.

Эслатиб ўтамиз, Мьянмадаги зилзила қурбонлари сони 1700 нафарга етган.