Ливияда қуролли гуруҳ етакчисининг ўлими ҳақидаги хабарлардан сўнг тўқнашувлар бошланди

ASTANA.Кazinform — Ливия пойтахтидаги вазиятнинг ёмонлашуви ҳукуматни чекловлар жорий этишга ва таълим муассасалари ишини тўхтатишга мажбур қилди, деб хабар беради Кazinform мухбири.

12 май куни кечқурун Ливия пойтахтининг қатор туманларида қуролли тўқнашувлар бошланди.Унинг авж олиши Ливия президентлик кенгаши қошида фаолият юритувчи Барқарорликни қўллаб-қувватлаш аппарати (SSA) раҳбари, “Ғанива” лақаби билан танилган Aбдул Ғани ал-Киклининг ўлими ҳақидаги хабардан сўнг бошланди.

Гувоҳлар ва маҳаллий ОAВ маълумотларига кўра, отишма Aбу Салим ва Салоҳ ид-Дин аҳоли зич жойлашган ҳудудларда содир бўлган. Расмийлар жамоатчиликни ҳаракатланишдан тийилишга чақирди, шаҳарда чекловлар жорий этилди, таълим муассасаларида, жумладан Триполи университетида дарслар тўхтатилди.

Ички ишлар вазирлиги аҳолига “хавфсизлик нуқтаи назаридан” уйда қолишни тавсия қилди.

Расмийларга кўра, Мудофаа вазирлиги Aбу Салим ҳудудини назоратга олган. Бундан ташқари, Триполида Зинтан, Aл-Завия ва Мисратадан қуролли тузилмалар колонналарининг ҳаракати қайд этилмоқда. Ушбу шаҳарлар анъанавий равишда пойтахтдаги вазиятга сезиларли таъсир кўрсатадиган ўз кучларига эга.

Камида олти киши жабрлангани ҳақида хабар берилган, бироқ уларнинг аҳволи ҳозирча маълум эмас.

13 май куни эрталаб Ливия Мудофаа вазирлиги Триполидаги ҳарбий операция “муваффақиятли” якунланганини маълум қилди.

Бирлашган Миллатлар Ташкилотининг Ливиядаги Миссияси (UNSMIL) зудлик билан оташкесимга чақирди ва томонларга халқаро гуманитар ҳуқуққа риоя қилиш мажбуриятларини эслатди.

Кузатувчиларнинг баҳолашича, ҳозирги вазият Ливиядаги хавфсизлик инқирозини акс эттиради, бу ерда 2020 йилда эришилган сулҳ битимига қарамай, қуролли гуруҳлар муҳим ҳудудларга таъсир ўтказишда давом этмоқда. Сиёсий беқарорлик ва иқтисодий ресурсларни назорат қилиш учун рақобат даврий зўравонлик авж олишига ёрдам беради.

Ливия бошқарув тизими тарқоқ мамлакат бўлиб қолмоқда. Муҳим давлат институтлари, жумладан, Миллий бирлик ҳукумати мамлакатнинг ғарбий ҳудудида жойлашган бўлса-да, ғарбий вилоятларнинг ўзи рақобатдош фракциялар ўртасида бўлинган. Шарқий Ливия муқобил куч тузилмалари назорати остида.

Барқарор сиёсий келишувга эришиш учун халқаро саъй-ҳаракатлар давом этмоқда, бироқ ҳозиргача умумий сайловлар ўтказилди.

Эслатиб ўтамиз, аввалроқ Туркия ва Ливия ўзаро савдо ҳажмини йилига 10 миллиард долларга оширишга қарор қилгани ҳақида хабар берган эдик.