ҚР Соғлиқни сақлаш вазири шошилинч тиббий ёрдам маркази қурилишини текширди

NUR-SULTAN. Kazinform - Қозоғистон Республикаси Соғлиқни сақлаш вазири Ажар Ғиният Шошилинч тиббий ёрдам миллий мувофиқлаштириш маркази қурилиши билан танишди, дея хабар беради Кazinform Соғлиқни сақлаш вазирлиги сайтига таяниб.

Қозоғистон Республикаси Соғлиқни сақлаш вазирига маълум қилинишича, ҳозирда объектда монолит ишлари якунланган. Тугатиш, шамоллатиш тизимини, электр ва паст кучланишли тармоқларни ўрнатиш давом этмоқда.

Бу марказ 200 ўринга мўлжалланган. Шошилинч тиббий ёрдам миллий мувофиқлаштирувчи маркази фаолиятининг асосий йўналишлари стационар ёрдам, тиббий авиация, клиник диагностика ва консультатив диагностика ёрдами бўлади.

Марказда 10 ўринли кундузги шифохона ва 21 та профилдаги 8 та клиник бўлимдан, шунингдек, 12 та хонага эга операция блоки мавжуд.

Қурилишнинг бориши билан танишган вазир мазкур лойиҳани амалга ошириш юзасидан йиғилиш ўтказди. А.Ғиният мазкур марказ мамлакат шошилинч тиббий ёрдамининг машъали бўлишга мўлжалланган бўлиб, унинг кадрлар ва технологик таъминотига масъулият билан ёндашиш зарурлигини таъкидлади.

Бундан ташқари, вазир лойиҳани ўз вақтида амалга ошириш муҳимлигини таъкидлади. Ўз навбатида, «Самруқ-Қазна» МФЖ АЖ ва «Маbcо Cоnstructions SА» пудратчи компанияси вакиллари қурилиш ишлари 2023 йил бошида якунланишига ишонтиришди.