ҚР Президенти ва Шавкат Мирзиёев Алмати тоғ-чанғи кластери билан танишди
ALMATY. Кazinform — Шаҳар ҳокими Ерболат Досаев президентларга Или Алатауининг улуғвор чўққиларини кўрсатиб, Кичик Алмати чотқолидаги Медеу сув тошқинидан ҳимоя қилувчи тўғон қурилиши тарихи ҳақида гапириб берди. Бу ҳақда Ақорда маълум қилди.
Бундан ташқари, хорижий ва маҳаллий альпинистлар, сайёҳлар орасида машҳур бўлган йўналишлар тақдим этилди. Қасим-Жомарт Тоқаев ва Шавкат Мирзиёев шаҳар ҳокимининг мамлакатдаги энг йирик “Шимбулақ” тоғ-чанғи курорти бўйича ҳисоботини тинглади.
Айни пайтда бу ерда 5 та осма йўл ишламоқда. Тоғ-чанғи йўлакларининг умумий узунлиги 25 километрни ташкил қилади. Ўтган йили Шимбулақга 1,4 миллион киши ташриф буюрди. Давлат раҳбарлари Алмати шаҳрининг сайёҳлик салоҳиятини юқори баҳоладилар. Уларнинг фикрича, гўзал табиат қўйнида жойлашган, ривожланган инфратузилма ва сифатли йўлга эга тоғ-чанғи курорти Марказий Осиёдаги қишки ва ёзги таътил учун энг жозибали масканлардан бири ҳисобланади.
Президентларга Алмати тоғ-кон кластерини янада ривожлантириш истиқболлари ҳақида маълумот берилди. Жумладан, ҳозирги “Шимбулақ” тоғ-чанғи йўлагини 56 километрга узайтириш, 65 километр янги инфратузилмани қуриш режалаштирилган.
Бу Алмати яқинида сайёҳлик салоҳиятни максимал даражада оширадиган йирик, ягона жаҳон даражасидаги кластер яратиш имконини беради.