ҚР Президенти Rio Tinto компанияси бош ижрочи директорини қабул қилди

Давлат раҳбари Rio Tinto компаниясининг бош ижрочи директори Якоб Штаусхольмни қабул қилди, деб хабар беради Kazinform Ақорда матбуот хизматига таяниб.

Учрашувда геология-қидирув, кончилик ва металлургия саноатида қўшма инвеститсия лойиҳаларини амалга ошириш масалалари муҳокама этилди.

Қасим-Жомарт Тоқаевга Rio Tinto компаниясининг Қозоғистондаги фаолияти кўламини кенгайтириш режаси ҳақида маълумот берилди.

Якоб Штаусхольм Қостанай ва Қарағанди вилоятларидаги мис конларини геология-қидирув лойиҳасининг бориши ҳақида маъруза қилди.

Давлат раҳбари мамлакатда юқори технологияларни ривожлантириш учун бугунги кунда талаб катта бўлган муҳим фойдали қазилмалар ва хомашёнинг мўл захиралари мавжудлигини таъкидлади. Қозоғистонда геология-қидирув ишлари кўламини кенгайтириш, янги конларни очишга кўмаклашувчи илғор жаҳон тажрибасини жорий этиш чоралари кўрилмоқда.

Rio Tinto йирик Англия-Австралия тоғ-металлургия компанияси бўлиб, бозор қиймати 99 миллиард долларни ташкил этади. Асосий активлар Австралия (35%), Канада (34%), Европа (13%) ва АҚШда (11%) жамланган.

Rio Tinto компанияси темир рудаси, алюминий, мис, боксит, олмос, уран ва бошқа саноат фойдали қазилмаларини ишлаб чиқаради.