ҚР Президенти қозоғистонликларни Ғалаба куни билан табриклади

ASTANA. Kazinform – Ақорда матбуот хизмати Давлат раҳбари Қасим-Жомарт Тоқаевнинг Ғалаба куни билан табрикномасини эълон қилди.

– Ҳурматли ватандошлар! Сизларни Буюк Ғалабанинг 80 йиллиги билан чин қалбимдан табриклайман!

Ҳар бир қозоғистонлик ушбу муҳим юбилейни Ғолиблар авлодига ўзгача миннатдорчилик ҳисси билан нишонлайди.

Фашизмга қарши қонли уруш халқимиз тарихида ўчмас из қолдирди. Мард аскарларимиз озодлик ва адолат ғояларини ҳимоя қилишда беқиёс мардлик ва жасорат кўрсатди. Юз минглаб ватандошларимиз шафқатсиз жангларда ҳалок бўлди. Ажойиб саъй-ҳаракатлар ва оғир қийинчиликлар эвазига қозоқлар Ғалабани фрон ортида яқинлаштирдилар. Улар кечаю кундуз далаларда, фабрика ва заводларда меҳнат қилиб, фронт эҳтиёжларини қондирдилар.

Биз ватандошларимизнинг ҳарбий ва меҳнат жасоратлари хотирасини авайлаб сақлаймиз. Биз фидойилик ва жасоратнинг ҳақиқий намунасини кўрсатган қаҳрамонлар номини муқаддас қадрлаймиз.

Қозоғистонда Ғалаба юбилейи муносабати билан кенг кўламли тадбирлар режаси амалга оширилмоқда. Мамлакат бўйлаб 500 га яқин кўчага қаҳрамонлар номини беришга қарор қилинди. Кенг кўламли ҳарбий парад бўлиб ўтди. Буларнинг барчаси ўша даҳшатли урушнинг аччиқ сабоқлари ҳеч қачон унутилмаслиги учун зарур.

Ғалаба байрами юртимиздаги тинчлик, дўстлик ва осойишталикни асраб-авайлаш нақадар муҳим эканини яна бир бор эслатиб ўтди. Ишончим комилки, бу мустаҳкам қадриятлар доимо халқимиз фаровонлиги ва Қозоғистоннинг илғор тараққиёти учун мустаҳкам пойдевор бўлиб қолади.

Қадрли фахрийларимизга, барча юртдошларимизга мустаҳкам соғлик, бахт-саодат, тинчлик тилайман!

Буюк Ғалаба куни муборак бўлсин! – дейилади табрикномада.