ҚР Президенти: Қозоғистон халқи Ассамблеяси самарали тузилмага айланди
ASTANA. Kazinform – Астанада
Миннитдорчилик кунига бағишланган форум ва Қозоғистон халқи Ассамблеясининг 30 йиллигининг расмий очилиш маросими бўлиб ўтди.
ҚХА раиси ўринбосари Марат Азилханов йиғилганларга ҚР Президенти Қасим-Жомарт Тоқаевнинг ушбу ташкилотнинг 30 йиллиги муносабати билан йўллаган табрик мактубини ўқиб берди.
“Ҳурматли ассамблея аъзолари! Сизларни Қозоғистон Халқи Ассамблеяси ташкил этилганининг 30 йиллиги билан табриклайман. Ассамблея ўтган йиллар давомида халқимиз ҳамжиҳатлигини мустаҳкамлаш, жамиятда ўзаро тотувликни сақлашга беқиёс ҳисса қўшди. Мазкур ташкилотнинг фаол фаолияти мамлакатимиздаги барча миллатларнинг тили, маданияти, анъаналарининг уйғун ривожланишига, қозоқ тилининг миллатлараро мулоқот тили сифатидаги мавқеини оширишга замин яратди. Парламентда вакили бўлган Қозоғистон халқи ассамблеяси давлат ва жамият ўртасида очиқ мулоқотни йўлга қўювчи самарали тузилмага айланди”, – дейилади табрикда.
Давлат раҳбари Ассамблея аъзолари муҳим ташаббуслар кўрсатиб, мамлакат учун зарур лойиҳаларни амалга ошираётганини таъкидлади.
“Ташкилот аъзолари Қозоғистондаги кенг кўламли ўзгаришларда фаол иштирок этмоқда. Ассамблея миллатнинг янги сифатини шакллантириш, ватанпарварлик ва ҳамжиҳатлик, бунёдкорлик ва масъулият каби асосий қадриятларни тарғиб этишда алоҳида ўрин тутади. Сизлар бундан кейин ҳам юртимиздаги тинчлик ва барқарорликни сақлаш, миллий бирдамликни мустаҳкамлаш йўлида тинимсиз меҳнат қилишингизга ишонаман. Ютуқларингиз кўп бўлсин”, – дейилади Президент мактубида.