ҚР Президенти қатор қонунларни имзолади
ASTANA. Kazinform – ҚР Президенти “Қозоғистон Республикасининг айрим қонун ҳужжатларига уй-жой-коммунал хизмат кўрсатиш, тадбиркорлик ва экспорт-кредит агентлиги фаолияти масалалари бўйича ўзгартиш ва қўшимчалар киритиш тўғрисида”ги Қозоғистон Республикаси Қонунини имзолади.
Бу ҳақда Ақорда матбуот хизмати хабар берди.
Қонун билан Ер, тадбиркорлик, Фуқаролик процессуал, Ижтимоий ва сув кодексларига, шунингдек, 23 та қонунга ўзгартиш ва қўшимчалар киритилди.
Ўзгартиришларнинг биринчи блоки кўп қаватли уйларни бошқариш тизимини такомиллаштиришга қаратилган.
Қонун билан кўп қаватли уйларни бошқаришнинг оддий шериклик шакли бекор қилинди, фақат иккита бошқарув тури: МЭУ (мулк эгалари уюшмаси) ва ТҚБ (тўғридан-тўғри қўшма бошқарув) сақланиб қолди.
Ўзгартиришларнинг иккинчи блоки солиқ қонунчилигига киритилган ўзгартиришлар билан боғлиқ.
Қонунга декларациялаш масалаларида ҳуқуқий равшанликни ошириш ва Солиқ кодекси нормаларига ҳаволалар нормаларини янгилашга қаратилган бошқа ўзгартишлар ҳам киритилди.
Қонун матни матбуотда эълон қилинади.
Давлат раҳбари “Қозоғистон Республикасининг маъмурий ҳуқуқбузарликлар тўғрисидаги кодексига уй-жой коммунал хўжалиги масалалари бўйича ўзгартиш ва қўшимчалар киритиш ҳақида”ги Қонунни имзолади.
Қонун матни матбуотда эълон қилинади.
Ақорда Солиқ кодексига киритилган ўзгартиш ва қўшимчалар кучга кирганини маълум қилди.
“Давлат раҳбари "Қозоғистон Республикаси қонунларига уни амалга ошириш масалалари бўйича ўзгартиш ва қўшимчалар киритиш тўғрисида"ги Қозоғистон Республикасининг Қонунни (Солиқ кодекси) имзолади”, – дея хабар беради расмий манба.
Қонун матни матбуотда эълон қилинади.