ҚР Президенти қатор давлатларнинг элчиларидан ишонч ёрлиқларини қабул қилди

ASTANА. Кazinform – Ақорда қароргоҳида тўртта давлатнинг фавқулодда ва мухтор элчиларининг ишонч ёрлиқларини Давлат раҳбарига топшириш маросими бўлиб ўтди, деб хабар беради Kazinform.

Ишонч ёрлиқларини Швеция Қироллиги элчиси Эва Улрика Пулано, Грузия элчиси Николоз Лалиашвили, Мьянма Иттифоқи Республикаси элчиси Лвин У, Кипр Республикаси элчиси Кипрос Йоргаллис топширди.

Қасим-Жомарт Тоқаев элчиларни Қозоғистондаги дипломатик миссиясининг расмий бошланиши билан табриклаб, икки томонлама алоқаларни янада мустаҳкамлаш йўлида муваффақиятлар тилади. Давлат раҳбари Қозоғистон дўстона ва ўзаро манфаатли муносабатларни мустаҳкамлашга қаратилган тинчликсевар ва очиқ ташқи сиёсат юритаётганини таъкидлади.

Давлат раҳбари Қозоғистон Ҳукумати дипломатларни эзгу вазифаларини бажариш чоғида ҳар томонлама қўллаб-қувватлашини таъкидлади.

Маросим якунида Қасим-Жомарт Тоқаев элчиларга муваффақият тилади ҳамда уларнинг давлат раҳбарларига ўзининг энг эзгу тилаклари ва саломларини йўллади.