ҚР Президенти бирламчи тиббий ёрдам хизматларини мувофиқлаштириш учун глобал коалиция тузишни таклиф қилди

ҚР Президенти Қасим-Жомарт Тоқаев Жаҳон соғлиқни сақлаш ташкилотига биринчи тиббий ёрдам кўрсатишни мувофиқлаштириш бўйича глобал коалиция тузишни таклиф қилди, деб хабар беради Кazinform агентлиги.

Астанадаги Конгресс марказида бирламчи тиббий-санитария ёрдами бўйича Алмати декларацияси қабул қилинганининг 45 йиллиги ва Астана декларацияси қабул қилинганининг 5 йиллигига бағишланган халқаро конференция бўлиб ўтмоқда.

Тадбирда сўзга чиққан Давлат раҳбари Қасим-Жомарт Тоқаев анжуманда иштирок этаётган ёшлардан аниқ таклифлар кутишини айтди.

“Бугунги тадбирда Жаҳон соғлиқни сақлаш ташкилоти раҳбариятининг иштирок этишидан фойдаланиб, бирламчи тиббий-санитария ёрдамини глобал кўрсатиш соҳаси унинг фаолиятини мувофиқлаштирувчи махсус тузилма ташкил этилишидан наф келтиришини айтмоқчиман. Жаҳон соғлиқни сақлаш ташкилоти кўмагида бирламчи тиббий-санитария ёрдами бўйича давлатлар коалициясини тузишни таклиф қиламан”, – деди Давлат раҳбари.

Президентнинг фикрича, ушбу коалициянинг асосий вазифаси соғлиқни сақлаш соҳасида профилактика тамойилларини янада такомиллаштириш, шунингдек, бирламчи тиббий-санитария ёрдамини ривожлантириш бўйича қўшма тавсиялар тайёрлашдан иборат бўлиши керак.

“Мен бугун ёш делегатларнинг бирламчи тиббий-санитария ёрдами сиёсати ва амалиёти бўйича якуний баёнотини интиқлик билан кутмоқдаман”, – деди Қасим-Жомарт Тоқаев.