ҚР ФВВга табиий ёнғинларга қарши миллий ўқув машғулотларини ўтказиш топширилди
ASTANA. Kazinform – Қозоғистон Республикаси Бош вазири Олжас Бектенов Фавқулодда вазиятлар вазирлигига май ойининг охиригача табиий ёнғинларга қарши республика қўмондонлик штаб ўқув машғулотларини ўтказиш бўйича топшириқ берди.
“Фавқулодда вазиятлар вазирлиги, Экология вазирлиги ва бошқа манфаатдор давлат органлари билан ҳамкорликда май ойининг охиригача табиий ёнғинларга қарши республика қўмондонлик штаб ўқув машғулотларини ўтказсин. У ерда трансчегаравий ёнғинларни ўчириш ва қўшни давлатлар хизматлари билан ўзаро ҳамкорлик масалаларини ишлаб чиқиш зарур”, – деди у Ҳукумат йиғилишида.
Олжас Бектенов ёнғинларнинг олдини олишда авиациядан фойдаланиш масаласини ҳам кўтарди.
“Ёнғин хавфи юқори бўлган ҳудудларда давлат авиацияси ёнғинга қарши вертолётларининг навбатчилигини ташкил этиш масаласига эътибор қаратинг. Ўрмонлар ва очиқ майдонларни ўрганишда учувчисиз учиш аппаратларидан фойдаланиш керак”, – деди Ҳукумат раҳбари.