Қозоғистоннинг олтин валюта фонди 32,7 миллиард долларни ташкил этди
«Жами халқаро захиралар август ойида 382 миллион долларга ошиб, 86,5 миллиард долларни ташкил қилди. Шу жумладан Миллий банкнинг олтин-валюта активлари 32,7 миллиард долларни, Миллий жамғарма маблағлари эса 53,8 миллиард долларни ташкил этди.
Йил бошидан буён республика бюджетига 3,3 триллион тенге трансферт йўналтириш мақсадида Миллий жамғарманинг валюта маблағлари 3,3 миллиард долларга сотилди. Шунингдек, тенгедаги тушумлардан фойдаланилган. Нефть нархининг сезиларли даражада ошиши муносабати билан йил бошидан буён Миллий жамғармага тушумлар қарийб 3,3 баробарга ошиб, 4,6 триллион тенгени ташкил этди.
Унга кўра, Миллий жамғарманинг ўртача йиллик даромади ташкил этилганидан бери биринчи марта 3,05 фоизга етди.
«Охирги 5 ва 10 йилда бу кўрсаткич йиллик қийматда 1,29 ва 1,39 фоизни ташкил этди», — деди Миллий банк раиси ўринбосари.
Муаллиф: Есимжан Нақтибай