Қозоғистоннинг экспорт ҳажми 80 миллиард доллардан ошди

ASTANA. Kazinform – ҚР Савдо ва интеграция вазири ўринбосари Асет Нусипов сўнгги йилларда мамлакатнинг экспортёрларига кўрсатилаётган қўллаб-қувватлаши ҳақида гапирди.

“Ўтган йили Қозоғистон экспорти ҳажми 3,1 фоизга ошиб, 80 миллиард доллардан ошди. Шундан ишлаб чиқарилган маҳсулотлар экспорти 28,8 миллиард долларга етди. Бундан ташқари, хизматлар экспорти ҳажми 10,8 фоизга ошиб, 11,8 миллиард долларга етганини таъкидлаш жоиз”, – деди у Қозоғистон экспортчилари форумида.

Вазир ўринбосари бу кўрсаткич минглаб тадбиркорлар меҳнати самараси эканини таъкидлади.

“Экспортнинг асосий ҳаракатлантирувчи кучига айланиб бораётган кичик ва ўрта бизнесни қўллаб-қувватлаш асосий йўналишлардан бири бўлиб қолмоқда. Ўтган йили кичик ва ўрта бизнесни қўллаб-қувватлаш давлат дастури доирасида умумий қиймати 1,6 триллион тенгега тенг 27 мингдан ортиқ лойиҳа молиялаштирилди. Мамлакат ялпи ички маҳсулотидаги кичик ва ўрта бизнеснинг улуши 39,3 фоизга етди ва унинг миллий иқтисодиётга таъсири ортиб бормоқда”, – деди Асет Нусипов.

Шунингдек, у вазирликнинг асосий мақсади экспорт қилувчилар учун барқарор ва рақобат муҳитини яратиш эканлигини таъкидлади.

“Экспорт хорижга фақат товар ва маҳсулотлар етказиб бериш эмас, бунинг натижасида янги ишлаб чиқариш қувватлари очилмоқда, иш ўринлари яратилмоқда, солиқ тушумлари кўпаймоқда. Шу боис Қозоғистон Ҳукумати экспортёрлар учун тизимли равишда шарт-шароит яратиб, логистика инфратузилмасини ривожлантирмоқда ва маҳаллий товарларни хорижга олиб чиқиш механизмларини такомил қилмоқда. Қўллаб-қувватлаш чора-тадбирлари, қолаверса, барча давлат органлари ва тараққиёт институтларининг саъй-ҳаракатлари туфайли биз бу ишларни янада оширишга ҳаракат қиляпмиз”, – деди вазир ўринбосари.