Қозоғистонни ҳақоратлаган россиялик журналистнинг мамлакатга кириши тақиқланади - ТИВ
17:15, 27 Апрель 2022
NUR-SULTAN. Кazinform - Қозоғистон Ташқи ишлар вазирлиги расмий матбуот котиби Айбек Смадияров россиялик журналист Тигран Кеосаяннинг сўзлари бўйича муносабат билдирди, дея хабар беради Кazinform вазирлик telegram-каналига таяниб.
«Россиялик журналист Тигран Кеосаяннинг ҳақоратли ва нохолис сўзлари ҳайратланарли.
Унинг баёнотида Россия жамияти ва сиёсий тузумининг маълум бир қисмининг қарашлари акс этиши мумкин, аммо бу мамлакатларимиз ўртасидаги ҳамкорлик руҳи ва мазмунига, давлат раҳбарлари даражасида эришилган келишувларга тўғри келмайди.
Бундай сўзлар яхши қўшничилик муҳитини заҳарлайди ва стратегик шериклик мухолифларига «фойда» келтиради. Ўйлайманки, у Қозоғистонга кириши мумкин бўлмаган салбий шахслар рўйхатига киритилади», — деди Айбек Смадияров.