Қозоғистонлик ёшлар бадиий гимнастика бўйича Осиё чемпионатида 7 та медални қўлга киритди

ASTANA. Kazinform — Сингапурда бадиий гимнастика бўйича ёшлар ўртасидаги Осиё чемпионати якунланди.

Ушбу мусобақада Алмати олимпия тайёрлаш маркази спортчилари иштирок этиб, 4 та олтин ва 3 та кумуш медални қўлга киритди. Улар орасидан Ақмарал Ерекешева тўп ва лента билан яккалик дастурда чемпион бўлди, ҳалқада сакрашда иккинчи ўринни эгаллади.

Гуруҳ машқларида булава ва ҳалқа бўйича баҳсларда терма жамоа ғолибликни қўлга киритди. Қозоғистонлик гимнастикачилар умумжамоа ҳисобида иккинчи ўринни эгаллади. Бу сафар танловда Ақмарал Ерекешева, Айғаним Рисбек, Ксения Шимолина, Томирис Вахлова, Анастасия Чащина, Алия Бақитқизи, Евгения Вендиревская ва Елизавета Егорова иштирок этди.

Шунингдек, гуруҳ машқлари бўйича кўпкураш баҳсларида олти нафар спортчи: Ксения Шимолина, Томирис Вахлова, Анастасия Чащина, Алия Бақитқизи, Евгения Вендиревская ва Елизавета Егоровдан иборат жамоа 2-ўринни эгаллади.