Қозоғистонлик ўқувчилар Болқондаги энг яхши ёш математиклар учлигига кирди
ASTANA. Kazinform - Болгариянинг Варна шаҳрида математикадан 41-чи Болқон олимпиадаси (БМО) якунланди. Унда 22 давлатдан 130 дан ортиқ ўқувчи иштирок этди. Таълим беллашувида қозоғистонлик ўқувчилар умумжамоа ҳисобида учинчи ўринни эгаллади. Бу ҳақда ҚР Таълим-маориф вазирлиги матбуот хизмати маълум қилди.
🏆 Терма жамоа ҳисобида 1 та олтин, 2 та кумуш ва 3 та бронза бор.
🥇 Жан Даутов – Қостанай шаҳридаги “Таълим-инновация” мактаб-лицейининг 10-синф ўқувчиси;
🥈 Амирлан Аманжолов - Алмати шаҳридаги РФММ 10-синф ўқувчиси;
🥈 Мирон Юркевич - Алмати шаҳридаги Haileybury Almaty халқаро мактабининг 12-синф ўқувчиси;
🥉 Марғулан Шарел - Тараз шаҳридаги “Таълим-инновация” мактаб-лицейининг 10-синф ўқувчиси;
🥉 Тимур Мурат - Алмати шаҳридаги РФММ 10-синф ўқувчиси;
🥉 Амир Сахипов - Алмати шаҳридаги РФММ 10-синф ўқувчиси.
Етакчилари – PhD доктори, профессор, KBTUнинг ўқув ишлари бўйича проректори Асилбек Исахов ва математикадан республика ва халқаро математика олимпиадалари ғолиби Қанат Сатилханов.
Эслатиб ўтамиз, Қозоғистон терма жамоаси 41-чи Болқон математика олимпиадасида иштирок этиб, жорий йил 11-24 июль кунлари Буюк Британияда бўлиб ўтадиган Халқаро математика олимпиадасига (IMO) тайёргарлик кўради ва тажриба орттиради.