15:38, 26 Ноябр 2025

Қозоғистонлик ўқувчилар Бокуда бўлиб ўтган халқаро STEAM фестивалида юқори натижаларга эришди

ASTANA. Kazinform - Қозоғистонлик ўқувчилар Бокуда бўлиб ўтган ва минтақадаги энг йирик таълим тадбирларидан бирига айланган STEAM Azerbaijan (SAF 2025) халқаро фестивалида муваффақиятли иштирок этди, деб хабар беради Kazinform мухбири.

Фото: Посольство РК в Азербайджане

Бу йил фестиваль 22 давлатдан 1400 дан ортиқ иштирокчини жамлади. Қозоғистондан етакчи мактаб ва ўқув марказларидан 10 та жамоа иштирок этди.

Тадбирда Қозоғистоннинг Озарбайжондаги элчиси Алим Байел иштирок этди. У фестивалнинг ташкил этилиши билан танишди, қозоғистонлик иштирокчилар билан учрашди, уларнинг тайёргарлигига юқори баҳо берди ва уларга муваффақиятлар тилади.

Фото: Посольство РК в Азербайджане

Қозоғистон жамоалари бир неча номинациялар бўйича етакчилар қаторидан жой олиб, ажойиб натижаларни намойиш этди. Ўқувчилар Robot Competition танловида биринчи ва иккинчи, Robot Competition Kids мусобақасида биринчи ва учинчи, Flytech и Boat Racing йўналишларида учинчи ўринларни эгаллади.

Бешинчи йил ўтказилаётган «STEAM Azerbaijan» фестивали STEAM — Science, Technology, Engineering, Art, Math модели доирасида ишловчи иштирокчиларни бирлаштиради. Қозоғистонлик мактаб ўқувчилари анъанавий тарзда танловда иштирок этиб, ҳар йили халқаро майдонда юқори тайёргарликни намойиш этади.

Ўқувчилар Болалар Мактаблар Озарбайжон Робототехника

Ляззат Сейданова

Сейданова Ләззат Қалдыбековна Ташкент қаласында дүниеге келген. 1999 жылы Шымкент қаласындағы Халықаралық Экология Гумантарлық Академияның журналистика факультетін бітірген. Мамандығы журналист. Көп жылдар газет, журналдарда қызмет атқарған. Қазіргі таңда ҚР Президентінің Телерадиокешенінде “ҚазАқпарат” халықаралық агенттігінде жұмыс істеп келеді.