Қозоғистонлик теннисчиларнинг Уимблдон турниридаги рақиблари маълум бўлди

ASTANA. Kazinform - Буюк Британия пойтахти Лондонда "Уимблдон" турнирига қуръа ташлаш маросими бўлиб ўтди.

“Катта дубулға” туркумига кирувчи турнирнинг яккалик баҳсларида Қозоғистондан беш нафар теннисчи иштирок этади.

Қозоғистонлик аёллар ўртасида биринчи, дунёнинг 11-ракеткаси Елена Рибакина биринчи босқичда 48-ўриндаги арманистонлик Элина Аванесян билан куч синашади.

Е.Рибакина 2022 йилда “Уимблдон”да ғалаба қозонган, ўтган йили ярим финалга чиққан.

34-ўринни эгаллаб турган Юлия Путинцева дунёнинг 13-ракеткаси америкалик Аманда Анисимова билан тўқнаш келади.

Қозоғистоннинг биринчи, дунёнинг 30-ракетакаси Александр Бубликнинг дастлаб рақиби 54-ўринни эгаллаб турган испаниялик Хайме Муньярдир.

Дунёнинг 97-ракеткаси Александр Шевченко 72-ўринни эгаллаб турган америкалик Рейлли Опелкадан ўзиб кетишга ҳаракат қилади.

Дунё рейтингида 251-ўринни эгаллаб турган, илк бор “Уимблдон”га йўлланмани қўлга киритган Бейбут Жуқаевнинг рақиби, дунёнинг 24-ракеткаси италиялик Флавио Коболли.

Турнир 30 июндан 13 июлга қадар Лондонда бўлиб ўтади.