Қозоғистонлик спортчи нишонга отиш бўйича Жаҳон кубогида кумуш медални қўлга киритди

ASTANA. Kazinform - Германиянинг Мюнхен шаҳрида нишонга отиш бўйича ўтказилаётган жаҳон кубогида Валерий Рахимжан кумуш медални қўлга киритди.

ҚР Туризм ва спорт вазирлиги спортни ривожлантириш бошқармаси матбуот хизмати хабарига кўра, у 10 метрга тўппончадан отиш бўйича баҳсларда финалда 241,9 балл тўплаган ҳолда иккинчи ўринни эгаллади. Бу ерда хитойлик Ху Кай (242,3 балл) ғолиб бўлди. Кучли учликни германиялик Кристиан Рейц якунлади.

Эслатиб ўтамиз, Валерий саралаш босқичида 583 очко билан 6-ўринни эгаллаб, финал босқичига йўлланма олди.

Ушбу жаҳон чемпионати 78 та мамлакатдан 695 та элита отишмачиларни бирлаштирди. Мюнхендаги Жаҳон кубоги анъанавий тарзда ҳар йили қатнашувчи мамлакатлар ва спортчилар сони бўйича рекордларни янгилайди. Мусобақа 15 июнь куни якунига етади. Айни пайтда Қозоғистон ҳисобида 1 та кумуш медаль бор.