Қозоғистонлик спортчи эркин кураш бўйича Осиё чемпиони бўлди
07:09, 25 Апрель 2022
NUR-SULTAN. Kazinform – Эркин кураш бўйича Қозоғистон терма жамоаси Улан-Баторда (Мўғулистон) бўлиб ўтаётган Осиё чемпионатида илк олтин медални қўлга киритди, дея хабар беради Kazinform Sports.kzга таяниб.
«Олтин»ни Қозоғистонга 86 килограммгача бўлган вазн тоифасида финалда 2019 йилги жаҳон вице-чемпиони ҳиндистонлик Дипак Пунияни мағлуб этган Азамат Даулетбеков олиб келди. Ҳал қилувчи жанг Даулетбековнинг 6:1 ҳисобидаги ғалабаси билан якунланди.
Бу Улан-Баторда бўлиб ўтган Осиё чемпионатида қозоғистонлик эркин курашчилар учун биринчи олтин медалдир. Бунгача Рахат Калжан (57 кг) ва Нурқожа Кайпанов (74 кг) кумуш, Ақбар Қурбанов (61 кг), Сирбаз Талғат (70 кг) ва Маммад Иброҳимов (97 кг) бронза медалига сазовор бўлган эди.