Қозоғистонлик профессионал боксчи аёл рақибини нокаут билан мағлуб этди

ASTANA. Kazinform – Енгил вазн тоифасида қозоғистонлик профессионал боксчи Ангелина Лукас (6-1-0, 3 КО) Таиландда навбатдаги жангини ўтказди ва рақибини нокаут билан мағлуб этди.

Бу ҳақда боксчи ижтимоий тармоқдаги саҳифасида ёзди.

“Бугун мен профессионал фаолиятимдаги еттинчи ғалабани қўлга киритдим ва бундан жуда хурсандман, бу ғалабани қадрдон Ватанимга бағишламоқчиман!” – деб ёзди боксчи.

Ангелина Лукас таиландлик Кадесара Жадпакди билан жанг ўтказиб, рақибини мағлуб этди. Аслида жанг саккиз раундга мўлжалланган. Бироқ ҳакам тўртинчи раундда баҳсни тўхтатди. Шу тариқа, қозоғистонлик боксчи ўзининг еттинчи профессионал ғалабасига эришди.

Унинг рақиби эса профессионал бокс майдонида шу пайтгача етти бор ғалаба қозонган, уч марта ютқазган. Бу сафар у тўртинчи бор мағлубиятга учиради.