Қозоғистонлик ўқувчилар Болқон олимпиадасида математика бўйича 6 та медални қўлга киритди

ASTANA. Kazinform – Албания пойтахтида математика бўйича 27-Халқаро ўсмирлар Болқон олимпиадаси (JBMO) якунланди. Унда Болқон ярим оролининг 20 та давлати ва меҳмон мамлакатлардан 130 га яқин ўқувчи иштирок этди, дея хабар беради Kazinform.

Таълим вазирлиги хабарига кўра, Қозоғистон терма жамоаси математика бўйича халқаро мусобақада 6 та медал қўлга киритиб, юқори натижа кўрсатди.

Ғолиблар:

- Амирлан Аманжолов, Алмати шаҳар «Республика физика-математика мактаби» 9-синф ўқувчиси – олтин медаль;

- Серик Мурзабек, Ақтўбе вилояти иқтидорли ўғил болалар учун «Билим-инновация» ихтисослаштирилган лицей-интернатининг 9-синф ўқувчиси – кумуш медаль;

- Ерқанат Кеншилик, Ақтўбе вилояти иқтидорли ўғил болалар учун «Билим-инновация» ихтисослаштирилган лицей-интернатининг 9-синф ўқувчиси – кумуш медаль;

- Алинур Маратули, Шарқий Қозоғистон вилояти иқтидорли болалар учун «Билим-инновация» ихтисослаштирилган лицей-интернатининг 9-синф ўқувчиси – бронза медали;

- Жанарис Тендиков, Қарағанди вилояти 1-сонли «Билим-инновация» лицей-интернатининг 9-синф ўқувчиси – бронза медали;

– Аят Абдуллаев, Атирау вилояти 1-сонли «Билим-инновация» лицей-интернатининг 9-синф ўқувчиси – бронза медали.

19 йил давомида ушбу олимпиадада қозоғистонлик 114 нафар ўқувчи иштирок этиб, 15 олтин, 47 кумуш ва 37 бронза медалини қўлга киритган.