Қозоғистонлик каскадёрлар Жеки Чаннинг янги фильми суратга олиш жараёнига ташриф буюришди
14:55, 04 Июль 2023
ASTANА. Kazinform - Қозоғистоннинг «Nomad Stunts» халқаро профессионал каскадёрлар гуруҳи дунёга машҳур актёр, каскадёр, режиссёр ва продюсер Жеки Чан билан учрашди, деб хабар беради Kazinform мухбири.
«Афсонавий Жеки Чан билан танишиб, унинг янги фильми суратга олиш жойига ташриф буюрдик. Ҳозирча биз бошқа ҳеч нарса ҳақида гапира олмаймиз, бироқ биз «stay tuned» дейишни яхши кўрамиз ва яхши янгилик кутамиз», - деди каскадёрлар Instagramда.
«Nomad Stunts» «Disney»нинг «Мулан», «Томирис», Netflixнинг «Қиролга мактуби», Киану Ривзнинг «47 Ронин», «Тутқич бермаслар 2», «Рэкет 2», «Онага йўл», «Чол» ва бошқа фильмлардаги роллари билан танилган.
Гуруҳ 2000 йилда каскадёр режиссёр, Қозоғистон Республикасида хизмат кўрсатган арбоб Жайдарбек Кунғожинов томонидан ташкил этилган.