Қозоғистонлик футболчининг жамоасига Португалия терма жамоасининг собиқ мураббийи устозлик қилади

Португалиялик мутахассис Фернанду Сантуш “Бешиктош” футбол клуби бош мураббийи этиб тайинланди. Бу ҳақда Кazinform агентлиги Prosports.kzга таяниб  хабар беради.

Янги мураббий ҳақидаги хабар клубнинг расмий саҳифасида эълон қилинди.

“Жамоага португалиялик Фернанду Сантуш бош мураббий этиб тайинланди”, — дейилади хабарда.

Эслатиб ўтамиз, Португалия терма жамоаси Сантуш бошчилигида 2016 йилда Европа чемпиони бўлганди.

Эслатиб ўтамиз, қозоғистонлик Бахтиёр Зайнутдинов “Бешиктош” сафида тўп суради.

​