Қозоғистонлик актриса АҚШда ўтказилган Mrs Globe 2023 танловида иккинчи ўринни эгаллади

ASTANA. Kazinform - АҚШнинг Калифорния штатида турмуш қурган аёллар ўртасида ўтказилган Mrs. Globe танловида қозоғистонлик актриса Альмира Турсин биринчи вице-мисс бўлди, деб хабар беради Kazinform.

Мусобақа ташкилотчиларига кўра, биринчи вице-мисс даражаси иккинчи ўринга тенг.

Биринчи ўрин, шунингдек, Mrs. Globe унвони беларуслик қиз Лана Хлумаковага насиб этди.

«Қизларимизни Mrs. Globe ғолиби бўлганлари билан табриклаймиз. Барча қизлар кучли бешликка кирди ва қиролича унвонини, шунингдек, Globe тожи ва лентасини олди. Қизлар ўзларининг имиджи, харизмаси ва ташқи кўриниши билан танлов иштирокчилари ва меҳмонларнинг эътиборини тортди. Қизларимиз гўзаллик ва қадр-қимматнинг ҳақиқий намунасидир», - деб ёзади мусобақанинг қозоғистонлик ташкилотчилари.

Қайд этиш жоизки, Альмира Турсин ўтган йилнинг кузида, Mrs. Globe Kazakhstan унвонини қўлга киритди ва Калифорнияда бўлиб ўтадиган гўзаллик танловининг жаҳон финалига йўлланма олган эди.

Ушбу мусобақа 1996 йилдан бери ўтказиб келинади.