Қозоғистондан гуманитар юк ортилган самолёт Мисрга қўнди
07:46, 11 Декабрь 2023
Қозоғистон томонидан Фаластинга ажратилган гуманитар юк ортилган самолёт Мисрга қўнди, деб хабар беради Kazinform мухбири.
Гуманитар юк давлат раҳбари Қасим-Жомарт Тоқаев топшириғига биноан Фаластин халқига жўнатилди. Юк самолётига давлат моддий фондидан озиқ-овқат, кўрпа-ёстиқлар ҳамда “СҚ-Фармация” МЧЖдан дори-дармон ва тиббиёт буюмлари ортилган.
Зарур ашёлар рўйхатида 14 хил буюм мавжуд. Уларнинг умумий оғирлиги 38 тоннани ташкил қилади. Юк Қозоғистон Республикаси Мудофаа вазирлиги ҳарбий кучлари томонидан ортилди.
Гуманитар ёрдам “Қизил ярим ой” жамоат ташкилоти вакилларига топширилади.
Эслатиб ўтамиз, куни кеча Фаластин учун гуманитар юк ортилган самолёт Алматидан ҳавога кўтарилгани ҳақида хабар берган эдик.