Қозоғистонда Ўзбекистон маданияти кунлари бўлиб ўтди
08:12, 25 Ноябр 2022
ASTANA. Kazinform – Қозоғистонда Ўзбекистон маданияти кунлари бўлиб ўтди. Бу ҳақда ҚР Маданият ва спорт вазирлиги маълум қилди, дея хабар беради Kazinform.
Қозоғистон ва Ўзбекистон ўртасида дипломатик муносабатлар ўрнатилганининг 30 йиллиги муносабати билан ташкил этилган байрам тадбирлари доирасида давра суҳбатлари, кўргазмалар, маҳорат сабоқлари ташкил этилди. Шунингдек, қозоқ тилида шарҳланган «Чой» қисқа метражли фильми томошабинларига тақдим этилди.
Қалибек Қуанишбаев номидаги Қозоғистон давлат академик мусиқали драма театрида бўлиб ўтган гала-концертда Ўзбекистон Республикасининг етакчи солистлари ва ижодий жамоалари чиқиш қилди.
Ўз навбатида, Ўзбекистон томони Маданият ва спорт ишлари вазирлигига тадбирларни ташкил этишда кўрсатган ёрдами учун миннатдорлик билдириб, Қозоғистон томонининг лойиҳа ва ташаббусларига катта қизиқиш билдирганини таъкидлади.