Қозоғистонда юк айланмаси 13,6 фоизга ошди

ASTANA. Kazinform – 2025 йил январь-май ойларида юк ташиш ҳажми 455,9 миллион тоннани ташкил этди, бу 2024 йилнинг шу даврига нисбатан 11,9 фоизга кўп. Юк айланмаси ҳам 13,6 фоизга ошиб, 229,4 миллиард т-км га етди. Бу ҳақда Миллий статистика бюроси хабар берди.

Минтақавий тақсимотда 2025 йил январь-май ойларида юк айланмасининг ўсиши Астана (21,9 фоиз), Алмати (5,5 фоиз) шаҳарлари ва Атирау (41,0 фоиз), Жетису (38,5 фоиз) ва Манғистау (26,9 фоиз) вилоятларида кузатилди.

Жорий йилнинг 6 ойида темир йўл транспортида 185,5 миллион тонна юк ташилди, бу ўтган йилга нисбатан 14,1 фоизга кўпдир. Ушбу соҳада юк айланмаси 138,8 млрд.т-км ни ташкил этди.

Автомобиль транспортида ҳам ижобий динамика кузатилди: юк ташиш 2024 йилнинг шу даврига нисбатан 2,3 фоизга, юк айланмаси эса 44,6 фоизга ошди.

2025 йил январь-май ойларида қувурлар орқали 142,9 миллион тонна юк ташилди, бу ўтган йилга нисбатан 18,2 фоизга кўпдир. Ушбу сегментда юк айланмаси 16,2 фоизга ўсди ва 71,8 миллиард т-км ни ташкил этди.

Ҳаво транспортида 11,4 минг тонна юк ташилди ва ўтган йилга нисбатан 12,2 фоизга ўсди. Бу ерда юк айланмаси 11,9 фоизга ошиб, 26,2 миллион т-км ни ташкил этди.

Денгиз транспортида юк ташиш ҳажми 43,9 фоизга ошиб, 1,6 миллион тоннани ташкил этди. Денгиз соҳасида юк айланмаси 14,7 фоизга ошиб, 747,9 миллион т-км ни ташкил этди.